San Valentín

 

 

San Valentín 2024: Amores auténticos, xoias inesquecibles

2/2/2024

 

 

 

  • Mediante un conmovedor vídeo, a campaña presenta historias auténticas que reflectin a diversidade do amor en diversas relacións, incluindo parellas, lazos familiares fortes, amizades profundas e o afecto cara as mascotas.
  • O Colexio Oficial de Xoiaría de Galicia (COXGA) e a Federación Galega de Xoieiros, mantendo o seu compromiso coa herdanza xoieira galega, promove a través desta campaña unha visión inclusiva e representativa da sociedade actual, mentras preserva a rica tradición da artesanía en xoiaría.

O Coxga e a Federación Galega de Xoieiros lanzan a campaña de San Valentín baixo o claim “Amores auténticos, xoias inesquecibles”. Esta iniciativa celebra a diversidade e riqueza do amor, transcendendo ás convencións e estereotipos tradicionais para abarcar o amor no seu espectro máis amplo.

Nunha sociedade que avanza cara unha maior inclusión e comprensión da diversidade, a campaña recoñece que o amor transcende xéneros, roles preestablecidos e formas únicas. Con este espírito, distánciase da representación tradicional do amor platónico, para honrar e facer visible o amor en todas as súas expresións: dende o amor romántico ata o amor fraternal, o incondicional cara os amigos e o cariño especial cara as mascotas.

Mediante un conmovedor vídeo, a campaña presenta historias auténticas que reflicten a diversidade do amor en diversas relacións, incluíndo parellas, lazos familiares fortes, amizades profundas e o afecto cara as mascotas. Cada historia subliña como as xoias son testemuñas e símbolos destes vínculos afectivos, destacando que o verdadeiro amor dunha xoia xace na súa capacidade para narrar historias e conservar momentos memorables.

Herdanza xoieira

Promóvese a través desta campaña unha visión inclusiva e representativa da sociedade actual, mentres preserva a rica tradición da artesanía en xoiaría. As xoias, obras mestras únicas creadas con paixón e habilidade, posiciónanse como o regalo ideal para expresar amor en San Valentín, simbolizando non só un xesto de amor, senón tamén a continuidade de historias e a creación de novos recordos.

A campaña “Amores auténticos, xoias inesquecibles” convida ao público a celebrar o amor na súa diversidade este San Valentín, elixindo a xoiaría, que transcende o tempo e representa a beleza das relacións humanas en todas as súas formas. É unha chamada a recoñecer que, mentres algunhas tradicións se manteñen, outras poden e deben evolucionar para reflectir a realidade social en cambio constante.

Realízase unha invitación aberta para unirse a esta celebración do amor, a artesanía e a tradición, amosando como unha peza de xoiaría pode ser moito máis que un accesorio: un enlace entre corazóns, xeracións e relatos. Esta campaña subliña que o amor, en todas as súas manifestacións, merece ser festexado e honrado.

 

Concurso San Valentín de mensaxes de amor
3/2/2022

 

 

 

Para celebrar San Valentín, a Federación Galega de Xoiaría, en colaboración co Colexio Oficial de Xoiaría de Galicia, organiza un Concurso de Textos de Amor nas súas redes sociais.

Bases Galego: preme aquí

Bases Castelán: preme aquí

Participar é moi sinxelo! Dende o 3 de febreiro ata o 14 de febreiro ás 23h59:

1) Segue a @xoiariagalega en Instagram ou a Colexio Oficial de Xoiaría, en Facebook

2) Dalle like á publicación.

3) Escribe un breve texto de amor na publicación (máximo de 30 palabras) e menciona a un amigo.

PREMIOS:

Primeiro premio: unha noite para dúas persoas nas cabañas de Beche (@becheecocamp) con cea incluida. Premio  valorado en 400€.

Segundo premio: un vale de 100€ para comprar en calquera dos establecementos colaboradores da campaña de San Valentín

Tercer premio: un vale de 50€ para comprar en calquera dos establecementos colaboradores da campaña de San Valentín.

 

 

← volver
 

Gañadoras do sorteo da campaña de San Valentín - Acerta cunha xoia

 

 

Os nosos parabéns ás persoas gañadoras dos vales de 50 € da campaña de San Valentín - Acerta cunha xoia, que se desenrolou en redes sociais (Facebook e Instagram) dos días 31/01/2022 a 14/02/2022:

- María Ángeles Parga Vázquez

- Telma Lago Rodríguez

- Fátima Jerez

- Maitane Etxaburu

As persoas gañadoras teñen ata o 30-04-2022 para utilizar o vale - regalo en calquera dos establecementos colaboradores.

 

Este San Valentín... Acerta cunha xoia

campaña de San Valentín "Acierta cunha xoia" organizada pola Federación Galega de Xoieiros e o Colexio Oficial de Xoiaría, inclúe o sorteo de vales regalo por importe de 50 € para comprar xoiaría nos establecementos colaboradores adheridos á acción.

Cómo participar? Moi sinxelo! Basta con seguirnos en redes sociais, comentar a publicación do sorteo de San Valentín (Facebook e Instagram) e etiquetar a un mínimo de dúas persoas.

 

 

 

ESTE SAN VALENTÍN ALMORZAR CON DIAMANTES É POSIBLE

1/2/2021

 

O Colexio Oficial de Xoiaría de Galicia (Coxga), en colaboración coa Federación Galega de Xoieiros, puxo en marcha a campaña "Desayunos con diamantes" co obxectivo de dar visibilidade e seguir potenciando ao sector da xoiaría nesta época do ano.

Os xoieiros de Galicia celebran o amor sorteando catro almorzos gourmet a domicilio para dúas persoas nas súas redes sociais:  Facebook e Instagram

Para participar simplemente hai que ser seguidor do Facebook e/ou Instagram do Colexio Oficial de Xoiaría e mencionar a dúas persoas que o participante queira moito.

De forma paralela, desde finais de xaneiro, as redes sociais do Coxga son o escaparate das propostas de agasallo para San Valentín que ofrecen os xoieiros e xoiarías galegas, de manera que os seguidores poidan ver os diferentes produtos ofertados nesta época.

 


 

 

¡

 

Contacto:

FEDERACIÓN GALEGA DE XOIEIROS, PLATEIROS E RELOXEIROS
LAVERDE RUIZ Nº 6  ENTREP.
15702 SANTIAGO DE COMPOSTELA

 federacion@fgxoieiros.es

Teléfono: 981597567

¿Quere facerse socio?

Se quere formar parte desta Federación, contacte a través do formulario.

 

O noso horario de atención:

De 9:00-14,00 h.

 

Versión para imprimir | Mapa del sitio
© FEDERACIÓN GALEGA DE XOIEIROS, PLATEIROS E RELOXEIROS